Anamirta cocculus

 പൊള്ള 

മറ്റ് നാമങ്ങൾ : കല്ലുനെരന്ത, കരണ്ടക വള്ളി, നഞ്ചിൻ വള്ളി, വള്ളിനെരന്ത,                                           ആനയമൃത്

ശാസ്ത്രീയ നാമം : Anamirta cocculus

കുടുംബം : മെനിസ്പെർമേസീ

ആവാസവ്യവസ്ഥ : ഈർപ്പമുള്ള ഇലപൊഴിയും കാടുകൾ , നിത്യഹരിത                                                               വനങ്ങൾ 

ഹാബിറ്റ് : മരവള്ളി

പ്രത്യേകത : ഹൃദയാകാരത്തിലുള്ള ഇലകളാണ്. അണ്ഡാകൃതിയിലുള്ള ലഘുപത്രങ്ങൾ.                           കുലകളായി ഉണ്ടാകുന്ന പൂക്കൾക്ക് പച്ചകലർന്ന വെള്ളനിറമായിരിക്കും.                               ആൺപൂവും പെൺപൂവും പ്രത്യേകം ചെടികളിൽ ഉണ്ടാകുന്നു. ആറു                                       ബാഹ്യദളങ്ങളും സംയുക്ത കേസരതന്ദുക്കളുമുള്ള പുക്കൾക്കു ദളങ്ങളില്ല.                             പെൺപൂവിൽ ഒൻപതു വന്ധ്യകേസരങ്ങൾ ഉണ്ടായിരിക്കും.                                                          ഊർധ്വവർത്തിയായ അണ്ഡാശയമാണ്.

ഉപയോഗം : കയ്പ്പുരസമുള്ള ഇതിന്റെ കായുടെ ചാറ് നല്ല                                                                                    ഒരു കൃമിനാശിനിയാണ്. ചെള്ള്, പേൻ മുതലായവയെ                                                                     നശിപ്പിക്കുവാനും, പഴക്കം ചെന്ന ത്വക്കുരോഗങ്ങളുടെ                                                                     ചികിത്സയ്ക്കുമായി ഉപയോഗിക്കുന്നു.

വിഷശക്തി : കന്നുകാലികൾ പൊള്ളയുടെ ഇലകൾ തിന്നുകഴിഞ്ഞാൽ ഒന്നു രണ്ട്                                         മണിക്കൂറിനകംതന്നെ വിഷബാധ കാണും. കാലികളുടെ വായിൽനിന്ന്                                 നുരയും പതയും ഒലിച്ചിറങ്ങും. അനിയന്ത്രിതമായി ശരീരം വിറയ്ക്കും.                                   കണ്ണുചുവന്നു മറിയുക, കിടന്ന് കാലുംതലയും ഇട്ടടിക്കുക , ശ്വാസതടസ്സം                               ഉണ്ടാവുക എന്നിവ വിഷബാധയുടെ                                                                                                     ലക്ഷണങ്ങളാണ്. അനാമിർട്ടിൻ എന്ന ആൽക്കലോയിഡിന്റെ കൂടിയ                                     സാന്നിധ്യമാണ് ചെടിയെ വിഷമയമാക്കുന്നത്.

ഇല 

കായ്കൾ 

പൂവ്